Այս ամառ ես գնացել եմ Արատես։ Այնտեղ մենք պատերի վրա էինք նկարում, ընկեր Ալիսը մեզ սովորեցնում էր ծաղկեպսակ սարքել։ Մենք Խաչոց ձոր ենք իջել։
Ես Գյումրիում եմ եղել և մնացել եմ երկու օր։ Այնտեղ ես մասնակցել եմ թենիսի մրցումների։ Մենք այնտեղ շատ զբոսնել ենք քաղաքում, բարձրացել ենք Սև բերդ։ Ուզեցինք այցելել Մհեր Մկրտչյանի տուն-թանգարան, բայց պարզվեց, որ վերանորոգման պատճառով փակ է։ Ես մայրիկիս հետ ֆայտոն նստեցի։
Ես գնացել եմ Դիլիջան։ Այնտեղի այգիում շատ հետաքրքիր արգելքներ կային, որոնք ես մինչև վերջ հաղթահարեցի։ Զբոսնեցինք քաղաքում, հետո գնացինք Պարզ լիճ։ Պարզ լճում ես նստեցի զիպլայն և հեծանիվ-նավակ քշեցի։
Ես գնացել եմ Լոռվա բերդ։ Այնտեղ ձորից շատ գեղեցիկ տեսարան էր։ Ես այնտեղ քարայծեր տեսա։
Գնացել եմ նաև Ծաղկաձոր։ Այնտեղ ես ճոպանուղի նստեցի, որից նույնպես շատ գեղեցիկ տեսարան էր երևում։ Հետո ես գնացի Կեչարիսի վանք։ Երկար զբոսնեցինք քաղաքում։ Երեկոյան շատ ուժեղ անձրև եկավ, որից հետո օդը այնքան լավն էր, որ էլի քայլեցինք։